قازىرگى تاڭدا اتىراۋعا 200 ءموبيلدى تولەم قۇرىلعىسى جەتكىزىلدى.جىلدىڭ سوڭىنا دەيىن بارلىق قوعامدىق كولىككە ستاتسيونارلىق ۆاليداتورلار ورناتىلادى.
اتىراۋ قالاسى اكىمىنىڭ ورىنباسارى مەيىرىم قالاۋيدىڭ ايتۋىنشا, ناۋرىز ايىنىڭ باسىنان باستاپ وبلىستىق ورتالىقتا «تسيفرلىق قازاقستان» مەملەكەتتىك باعدارلاماسى اياسىندا قوعامدىق كولىكتە جول ءجۇرۋ تولەمدەرىن اۆتوماتتاندىرۋ بويىنشا جۇمىستار جۇرگىزىلۋدە.
- قازىرگى ۋاقىتتا «Smart-تكش» كومپانياسى 6 تاسىمالداۋشى-كومپانيامەن كەلىسىمشارتقا قول قويدى. 1 قازاننان باستاپ بارلىق جول سەرىكتەرگە 200 ءموبيلدى تولەم قۇرىلعىسىن شىعارۋدى جوسپارلاپ وتىرمىز. بارلىق اۆتوبۋستارعا QR كودتارىن تاعايىنداپ, تولەمدەردىڭ باسقا تۇرلەرىن جاساۋعا بولاتىن «SmartQala» ءموبيلدى قوسىمشاسى ىسكە قوسىلادى.
ەلەكتروندىق بيلەت جۇيەسىن ەنگىزۋدىڭ ماقساتى - قوعامدىق كولىك جۇمىسىنىڭ اشىق بولۋىن قامتاماسىز ەتۋ , - دەپ ءتۇسىندىردى اكىم ورىنباسارى.
وسىلايشا, ۆاليداتور اۆتوماتتى تۇردە اۆتوبۋستارداعى جولاۋشىلاردىڭ قوزعالىسىن, جالپى ەسەپتى وقي وتىرىپ, اقپاراتتى ەلەكتروندىق دەرەكقورعا جۇكتەيدى. جاڭا جۇيەنىڭ ەنگىزىلۋىنىڭ ارقاسىندا قوعامدىق كولىكتە قىزمەت كورسەتۋ ساپاسى, جۇرگىزۋشىلەردىڭ جانە جول سەرىكتەردىڭ جالاقىسى,سونىمەن قاتار,تاسىمالداۋشى كومپانيالار تابىسى,بيۋدجەتكە تۇسەتىن سالىق ءتۇسىمى كوبەيەتىن بولادى. بۇدان باسقا, اۆتوبۋستاردىڭ قىزمەت ەتۋ ساپاسى ارتادى, سەبەبى قوعامدىق كولىكتىڭ تەحنيكالىق كۇيىن جاقسى جاعدايدا ۇستاۋ ءۇشىن قاراجات تولەنەتىن بولادى.
- پيلوتتىق جوبا كەزىندە جولاۋشىلار ۆاليداتور ارقىلى قولما-قول اقشا تولەيدى. جۇيە ىسكە قوسىلعاننان كەيىن ارنايى تولەم كارتوچكالارى ەنگىزىلەدى. كەز كەلگەن ازامات ءۇشىن جول ءجۇرۋ كارتاسىنىڭ قۇنى 300 تەڭگە.
زەينەتكەرلەر مەن مۇگەدەكتەرگە جانە ارداگەرلەرگە ارنايى تەگىن كارتالار بەرىلەدى,- دەپ اتاپ ءوتتى «Smart-تكش» كومپانياسىنىڭ وكىلى ەرلان نۇرلان ۇلى.
ەسكە سالا كەتەيىك, استانا مەن الماتىدا ەلەكتروندى بيلەتتەردى ساتۋ جۇيەسى وفف-لاين رەجيمىندە ەنگىزىلدى. اتىراۋداعى جوبانىڭ ارتىقشىلىعى - تولەمدەر ونلاين-فورماتتا قابىلدانۋى. بۇل سىزگە جولاۋشىلاردىڭ سانىن بىلە وتىرىپ , سونداي-اق اۆتوبۋستاردىڭ ءبىر-بىرىمەن بايلانىستا بولۋىنا, كۇندەلىكتى جۇمىستارى تۋرالى اقپارات الۋعا مۇمكىندىك بەرەدى.
- جالپىعا قولما-قول اقشا, بانك كارتاسى, Bluetooth, NFC-قوسىمشاسى بار سمارتفون, sms-حابارلاندىرۋ جانە QR-كودى ءۇشىن 9 ءتۇرلى تولەم تۇرلەرى بولادى.
ايتا كەتەيىك, قىركۇيەك ايىنىڭ سوڭىندا قالاعا 20 جاڭا اۆتوبۋس قابىلدانادى. جىلدىڭ سوڭىنا دەيىن اتىراۋعا 100 اۆتوبۋس شىعىپ, جاڭا قوعامدىق كولىكتەر تولەم قۇرىلعىلارىمەن جابدىقتالادى.
